The shadow puppets.

തിരശ്ശീലക്കപ്പുറത്ത` രണ്ടു നിഴലുകളായിരുന്നു നമ്മൾ.

മങ്ങിയ വെളിച്ചത്തിൽ നാടകമാടിയവർ.

വേനലും വർഷവും സ്പർശിക്കാത്ത,

ഗന്ധമില്ലാത്ത പൂക്കളും,

ശബ്ദമില്ലാത്ത സംഗീതവും നിറഞ്ഞ

ഈ പ്രണയത്തിന്റെ തിരശ്ശീലയിൽ

നമ്മളെന്നേ പരസ്പരം നഷ്ടപ്പെടുത്തിയവർ.

ഇരിപ്പിടങ്ങളൊഴിഞ്ഞു തുടങ്ങി..

ഇനിയീ ചരടുകളഴിഞ്ഞു തീരുംമുൻപെ,

ബാക്കിയാവുന്നത` നിന്റെ യാത്രാമൊഴി..

നെറുകയിൽ ഒരു ചുംബനം കൊണ്ട്;

ഇനി നീയെന്റെ മരണത്തെ അടയാളപ്പെടുത്തുക.